Ең бай американдық рэпер P. Diddy түрмеде аштық жариялады

Американдық рэпер және атқарушы продюсер P. Diddy атымен танымал болған Шон Комбс түрмеде аштық жариялады, себебі ол темір тордың ар жағындағы астан уланып қалудан қорқады, деп хабарлайды Zakon.kz.

News Nation басылымына құқық қорғаушы және бұрынғы тұтқын Ларри Левиннің айтуынша, Комбсты айыптап отырған қылмысқа қатысы барлар, оның көзін жоюға тырысуы мүмкін. Айта кетейік, P. Diddy өзінің музыкалық империясын адам саудасы үшін және жыныстық мақсатта, сондай-ақ әйелдерге қатысты жүйелі зорлық-зомбылық үшін пайдаланды деп айыпталуда.

"Түрме қызметкерлері болар-болмас жалақы алады. Егер біреу тамақты уласа, Комбс жүрек талмасына ұшырайды және мұны ешкім сезбей қалуы да мүмкін",- деді Левин.

Бұған дейін танымал жүргізуші Опра Уинфри Камала Харриспен сұхбат құрғаны белгілі болды.