Әмір Омарханов және Заңғар Нұрланұлы Australian Open турнирінде өнер көрсетеді

2025 жылғы 18-25 қаңтар аралығында теннистен жасөспірімдер арасында өтетін Australian Open турниріне арналған өтінімдер қабылдау тізімі жарияланды, деп хабарлайды Zakon.kz.

Жарыстың негізгі кезеңіне екі қазақстандық спортшы қатысады: ITF жасөспірімдер рейтингінде әлемнің 16-ракеткасы саналатын Әмір Омарханов және жасөспірімдер арасындағы рейтингтің 73-орында тұрған Заңғар Нұрланұлы.

Заңғар үшін бұл мансабындағы осындай деңгейдегі алғашқы турнир болмақ.

Ал Әмір өткен жылы Australian Open турнирінің ширек финалына дейін жеткен.