Елордалық көрермен француз композиторы Морис Жаррдың туындысын тамашалайды
15-18 қаңтарда көрермен «Астана Опера» театрының Үлкен залында «Париж Құдай Анасының соборын» тамашалай алады.
Ал 1-2 ақпанда аты аңызға айналған спектакльді «Астана Опера» театрының балеттік труппасы Мариинский театрының (Санкт-Петербор қ., Ресей) жаңа сахнасында орындайды.
«Астана Опера» театры Невадағы қалада жиі қонақта болады. Және 2017 жылдың алғашқы гастролінің дәл осы жерде өтетіні, қуанарлық жағдай.
«Балеттік труппамыз Мариинский театрының сахнасында Гала балетпен өнер көрсеткен, енді біз ауқымды да күрделі спектакльді алып бармақпыз. Бұл жауапкершілікті жүктейді. Әрине, сапар алдында шамалы толқу да бар. Алдымен өз сахнамызда билейтіндіктен, бойымызға жағымды күш-қуат жинап алсақ дейміз және қазақстандық көрермен бізді жылы лебізбен шығарып салғанын күтеміз. Спектакльдің тұсаукесері үлкен жетістікке ие болды. Дегенмен, балет тынбай жұмыс жүргізудің арқасында пісіп жетіледі. Сахнаға шыққан сайын біз ізденеміз және жаңа көзбен қараймыз. Рөлді тереңірек сезіну үшін бұрынғыдан да жақсарту үшін қызықты идеяларды ұсынамыз», – дейді «Астана Опера» театрының жетекші солисті, Қазақстанның еңбек сіңірген қайраткері Мәдина Баспаева.
Петерборлық көрермен «Париж Құдай Анасының соборын» Ролан Петидің қойылымында тамашалайды. Ол спектакльді 1965 жылы өзі сияқты атақтылармен керемет сәнқой кутюрье Ив Сен-Лоран, композитор-авангардист Морис Жарр және танымал театр және кино суретшісі Рене Аллиомен жүзеге асырып еді. Күш-жігерін біріктіре отырып, олар өз дәуірінің ең стильді қойылымдарының бірін, сол кезде сәнге айналған минималисттік стильде паш етті.
Спектакльде өнер көрсететін екі құрамның әртістері Квазимодо партиясы – Қазақстанның Еңбек сіңірген қайраткері Рүстем Сейітбеков және бірнеше халықаралық байқаулардың Гран-при иегері Бақтияр Адамжан, Эсмеральданың рөлінде – Қазақстанның Еңбек сіңірген қайраткерлері Мәдина Баспаева және Әйгерім Бекетаева, Феб – халықаралық байқаулардың лауреаттары Арман Оразов пен Олжас Тарланов, Клод Фролло – халықаралық байқаулардың лауреаттары Серік Нақыспеков, Ғазиз Рысқұлов.
Аталған гастроль «ЭКСПО-2017» бағдарламасының аясында жүзеге асады.
Источник: khabar.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
18:30, 29 наурыз 2024
Жетісу облысындағы су қоймасында қаза тапқан балықшының мәйіті табылды
-
18:18, 29 наурыз 2024
Жамбыл облысында құны 1 млрд теңгеден асатын темекі өнімдерінің ірі партиясы анықталды
-
17:56, 29 наурыз 2024
Полиция WhatsApp арқылы тұрғындарды 1,5 млн теңгеге алдаған күдіктіні ұстады
-
17:40, 29 наурыз 2024
Жамбыл облысында қауіпсіздік талаптарына сәйкес келмейтін автобустармен балалар тасымалданған
-
17:22, 29 наурыз 2024
Алматыда бірқатар алаяқтықпен айналысқан әйел ұсталды