Әлеуметтік қызметкерлердің жалақысына үстемақы қосылатын болды

10:51, 15 қазан 2019
388

ҚР Еңбек және халықты әлеуметтік қорғау министрлігі "Мемлекеттік қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, мемлекеттік кәсіпорындардың қызметкерлеріне еңбекақы төлеу жүйесі туралы" қаулыға өзгерістер енгізу туралы ҚР Үкіметінің қаулысының жобасын әзірледі, деп хабарлайды Zakon.kz Құжат электрондық үкімет порталында "Ашық НҚА" бөлімінде орналастырылған.

Атап айтқанда, құжатта әлеуметтік қызметкерлерге 2020 жылдың 1 қаңтарынан бастап қосымша төлемдер қарастырылған, олардың мөлшері жұмыстың қиындығы мен жүктемесіне байланысты.

Қосымша төлем әлеуметтік қызмет көрсету жүйесінде жалақының төмен болуына байланысты әлеуметтік жұмысшылардың тапшылығын, олардың еңбегінің қиындығын ескеруге негізделген.

- Әлеуметтік қызметкерлер өте қатты психоэмоциональды жағдайда жұмыс істейді, бұл олардың жұмыс ортасының (мүгедектер, мүгедектігі бар балалар, оның ішінде психоневрологиялық дертке шалдыққандар, жалғызбасты қарттар) ерекшелігімен байланысты, - делінеді министрлік құжатында.

Әлеуметтік жұмысқа жоғары білікті жұмысшыларды тарту және кадрлардың тоқтамауын жою мақсатында Еңбек министрлігі психоэмоционалды және физикалық стресс үшін қосымша төлемдер арқылы әлеуметтік қызметкерлердің жалақысын көбейтуді ұсынады.

Атап айтқанда, жұмысшылардың келесі санаттарына қосымша ақы қосу ұсынылады:

- басқарушы қызметкерлер - жалақысының 30% көлемінде;

- басты жұмысшылар (әлеуметтік қызметкерді қоспағанда) - 35%;

- әлеуметтік қызметкерлер - 40%;

- санитарларға - 40%.

Осылайша, стационарлық және жартылай стационарлық типтегі медициналық-әлеуметтік мекемелердің паллиативті көмек бөлімдерінде (палаталарында) жұмыс істейтін барлық мамандықтағы тәрбиешілер мен медбикелер жалақысының үстіне тағы 60% көлемінде үстемеақы алады.

Үйіне барып қызмет көрсететін ұйымдардың жұмыскерлеріне келесі үстеме ақылар төленеді:

- басқару персоналы - 15%;

- басты жұмысшылар (әлеуметтік қызметкерді қоспағанда) - 20%;

- әлеуметтік қызметкерлер - 35%;

- санитарлар - 20%.

Үстеме ақының көлемі "2020-2022 жылдарға арналған республикалық бюджет туралы" заң жобасында қарастырылған, ол үш жылға арналған, жалпы сомасы 25,1 млрд теңгені құрайды.

Қарар жобасын талқылау 2019 жылдың 28 қазанына дейін жалғасады.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!