Елді шулатқан заң жобасын депутаттар кері қайтарып алды
Қазақстандық қоғамда қызу пікірталас тудырған "Тұрмыстық зорлық-зомбылыққа қарсы іс-қимыл туралы" заң жобасын депутаттар кері қайтарып алды. Бұл туралы zakon.kz тілшісіне Әлеуметтік-мәдени даму комитетінің төрағасы Жәмила Нұрманбетова айтты.
Оның айтуынша, заң жобасын бастамашы депутаттар 22 қаңтарда кері қайтарып алған.
Заң жобасының нормалары қоғамда қызу пікірталас тудырды. Барлық объективті ұсыныстарды, ескертулер мен мәлімдемелерді таразылай келе, аталған заң жобасын кері қайтарып алу туралы шешім қабылданды. Мемлекет басшысы айтқандай: "Негізгі мақсат - әйелдер мен балалардың құқықтарын қорғау". Қазір біз заң жобасының жаңа мәтінімен жұмыс істеп жатырмыз, - деді Нұрманбетова.
Депутат заң жобасының жаңа мәтіні барлық мүдделі мамандарды, азаматтық сектор өкілдері мен тәуелсіз сарапшыларды тарта отырып, барлық талқылау алаңдарында міндетті түрде талқыланатынын атап өтті.
Сондай-ақ ол қамқоршылық органдарына балаларды "кез-келген себептермен" алуға мүмкіндік беретін нормаға да тоқтала кетті.
"Неке (ерлі-зайыптылық) және отбасы туралы" Кодекстің қолданыстағы 82-бабында баланың өміріне немесе денсаулығына дереу қауіп төнген жағдайда қорғаншылық немесе қамқоршылық функцияларын жүзеге асыратын органның құқығы бар деген нормалар қазірдің өзінде қарастырылған, баланы дереу ата-анасынан немесе бала бірге тұратын басқа адамдардан алуға құқық беретін. Сонымен қатар, сот шешім шығарғанға дейін бала қорғаншылық және қамқоршылық органдарының қорғауында болады деп еске салды ол.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
18:41, 29 наурыз 2024
Қостанай облысындағы «Желқуар» автомобильдік өткізу пунктінің жұмысы уақытша тоқтатылды
-
18:30, 29 наурыз 2024
Жетісу облысындағы су қоймасында қаза тапқан балықшының мәйіті табылды
-
18:18, 29 наурыз 2024
Жамбыл облысында құны 1 млрд теңгеден асатын темекі өнімдерінің ірі партиясы анықталды
-
17:56, 29 наурыз 2024
Полиция WhatsApp арқылы тұрғындарды 1,5 млн теңгеге алдаған күдіктіні ұстады
-
17:40, 29 наурыз 2024
Жамбыл облысында қауіпсіздік талаптарына сәйкес келмейтін автобустармен балалар тасымалданған