Елді шулатқан «Nur Otan» праймеризі: кандидаттар рейтингі 5 қазанда шығады
"Nur Otan"-ның партияішілік сайлауында онлайн-дауыс беруге қатысу үшін "Праймериз" ақпараттық жүйесіне 700 мыңға жуық партия мүшесі тіркелді, деп хабарлайды zakon.kz.
Партия баспасөз қызметінің мәліметінше, "Nur Otan" праймеризіне 11 мыңға жуық үміткер қатысуда. Еліміз бойынша орта есеппен бір орынға төрт адам үміткер болып отыр. Кандидаттардың 70%-ы өзін-өзі ұсынғандар, ал мыңға жуығы – партияның жаңа мүшелері. 37%-ы – әйелдер, 29%-ы – 35 жасқа дейінгі жастар. Қатысушылардың орташа жасы – 43 жас.
7 қыркүйектен бастап праймеризге қатысушылар 800 мыңнан астам адамды тікелей қамти отырып, 32 мыңнан аса үгіт-насихат іс-шарасын өткізді. 14 қыркүйектен бастап онлайн-форматта жария пікірсайыстар басталады. Онда қатысушылар нақты елді мекендердің түйінді мәселелерін шешу жөніндегі өз пайымдарын ортаға салды.
"Елбасы, Партия Лидері Нұрсұлтан Назарбаев еліміздегі азаматтарды алаңдатқан мәселелерді бірлесіп шешу үшін ашық диалогты қамтамасыз етудің маңыздылығын атап өтті. Халықпен кеңінен талқылау мақсатында "Nur Otan" партиясы әрбір өңір, қала және аудан бойынша 216 сайлауалды бағдарламаның жобаларын жариялады. Оларды ел Президенті Қасым-Жомарт Тоқаевтың Қазақстан халқына Жолдауында қойылған міндеттерді, сондай-ақ, "Халық үніне құлақ асатын мемлекет" тұжырымдамасы аясында азаматтардың ұсыныстарын ескере отырып пысықтайды. Бірнеше күннің ішінде праймеризге қатысушылар 8 мыңнан аса талап-тілектер мен ұсыныс жинады", - делінген партияның баспасөз қызметі жариялаған бейнероликте.
Еске сала кетейік, "Nur Otan" праймеризінің басты мақсаты – алдағы Мәжіліс пен барлық деңгейдегі мәслихаттар сайлауына партиялық тізімдерге енгізу үшін қоғамның сенімі мен қолдауына ие болған беделді партия көшбасшыларын анықтау.
Сондай-ақ, партия электрондық дауыс беруді ұйымдастыру үшін мобильді қосымша мен primaries.kz веб-порталының мүмкіндіктерін пайдалануды жоспарлап отыр. Ашықтықты қамтамасыз ету үшін "бір дауыс, бір ЖСН, бір мобильді нөмір және бір IP-адрес" қағидаты бойынша растау (верификация) жүйесі қолданылды.
Кандидаттардың рейтингісі бар праймериздің қорытындысы 5 қазанда жарияланады.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
20:09, 29 наурыз 2024
Қазақстанда су тасқынына байланысты екі өңірде жол жабылды
-
19:52, 29 наурыз 2024
ҰҚК Астанадағы адам көп жиналатын жерлерде лаңкестікке қарсы оқу-жаттығулар өткізеді
-
19:35, 29 наурыз 2024
Синоптиктер Қазақстанның 18 өңірінде ауа райына байланысты ескерту жасады
-
19:10, 29 наурыз 2024
Түркістан облысында мектеп мұғалімі сабаққа ұлттық киіммен келген оқушыларға қысым көрсеткен
-
18:41, 29 наурыз 2024
Қостанай облысындағы «Желқуар» автомобильдік өткізу пунктінің жұмысы уақытша тоқтатылды