«Елбасы медалі» бағдарламасы үш өңірде жалғасып жатыр

15:26, 27 мамыр 2022

142

© Сурет: «Елбасы академиясы» КҚ

Ақтөбе, Түркістан және Маңғыстау облыстарының жастары «Елбасы Медалі» бағдарламасына қатысуда. Осы жылдың маусым айында еліміздің басқа облыстары мен қалаларындағы жастар да жобаға қатысуға мүмкіндік алады.

«Елбасы медалі» бағдарламасы - 14 пен 29 жас аралығындағы жастарды кешенді дамытуға бағытталған ұлттық деңгейдегі жалғыз бағдарлама. Бағдарламада 3 деңгей қарастырылған: қола, күміс және алтын. Қола алты айға созылады, күміс - 12 ай. Алтын деңгейге қатысушылар тапсырмаларды 18 ай ішінде орындайды.

Бүгінгі таңда «Елбасы медалі» бағдарламасының 1500-ден астам қатысушысы спорт, кітап оқу, таланттар мен дағдыларды дамыту, ұлттық мұра, волонтерлік, туристік жорықтар мен еңбек практикасында 7 бағыт бойынша қабілеттерін шыңдауда. Бұл жоба өскелең ұрпақ арасында жаңа трендке айналды.

Қатысушылардың айтуынша, бағдарлама уақытты тиімді пайдалануды, алдыңа мақсат қоюды және оларға жүйелі түрде қол жеткізуді, салауатты өмір салтын ұстануды, азаматтық белсенділік танытуды және тұрақты дамуды үйретеді.

Сурет: «Елбасы академиясы» КҚ

Бағдарлама 20 мыңнан астам адамды қамтиды, олардың 6980-і «Елбасы медалі» ерекшелік белгісін алды. 6874 қатысушы - қола медаль, 96 қатысушы күміс және 10 алтын медаль иеленді. 2021 жылы мемлекеттік білім гранттары 605 медалистке берілді, олардың 30%-дан астамы ауыл мектептерінің түлектері.

Біз жобаға сұраныс барын, қатысушыларды күшті ынталандыратынын көріп отырмыз. «Елбасы медалі» мультипликативті әсерге ие, өйткені жобаға қатысушының жетістіктерін көріп, олардың туыстары мен жақындары да қызығады. Біз қатысушыларымызды мақтан тұтамыз, олардың жетістіктеріне шын жүректен қуанамыз және жобаны одан әрі дамытып, оны тартымды әрі қызықты етеміз, - деді «Елбасы академиясы» КҚ директоры Асланбек Амрин.

«Елбасы медалі» жобасы Нұрсұлтан Назарбаев Қорының қолдауымен Елбасы академиясымен іске асырылады.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!