Екібастұздағы әкімдік ғимаратына «бомба қойылғаны» туралы хабарлаған күдікті ұсталды

01:27, 7 желтоқсан 2022
83

© Сурет: Павлодар облысы полиция департаментінің баспасөз қызметі

6 желтоқсанда сағат 20:30-да Екібастұз полициясына әкімдік ғимаратына бомба қойылғаны хабарлама түскен. Полицейлер жалған ақпарат таратқан күдіктіні ұстады, деп хабарлайды Zakon.kz.

Қоңыраудан кейін бірден барлық қызметтер сол орынға барған, алайда ешқандай жарылғыш зат табылмады.

"Жедел-тергеу тобының қызметкерлері әкімдік ғимаратында тексеру жүргізді. Тексеру кезінде ғимаратта үш қызметкер болды, эвакуация жасалды. Ғимараттан жарылғыш құрылғылар табылмады", - деді Екібастұз полиция басқармасының бастығы Қайыржан Шақарғалиев.

Полиция күдікті - Екібастұз тұрғынын ұстады. Ол өзінің кінәсін мойындады.

Азамат 2019 жылы осындай әрекеті үшін сотталған болып шықты.

Осы дерек бойынша ҚР ҚК-нің 273-бабы "Терроризм актісі туралы көрінеу жалған хабар" бойынша сотқа дейінгі тергеу басталды.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!