Екібастұздағы әкімдік ғимаратына «бомба қойылғаны» туралы хабарлаған күдікті ұсталды

"Жедел-тергеу тобының қызметкерлері әкімдік ғимаратында тексеру жүргізді. Тексеру кезінде ғимаратта үш қызметкер болды, эвакуация жасалды. Ғимараттан жарылғыш құрылғылар табылмады", - деді Екібастұз полиция басқармасының бастығы Қайыржан Шақарғалиев.

Полиция күдікті - Екібастұз тұрғынын ұстады. Ол өзінің кінәсін мойындады.

Азамат 2019 жылы осындай әрекеті үшін сотталған болып шықты.

Осы дерек бойынша ҚР ҚК-нің 273-бабы "Терроризм актісі туралы көрінеу жалған хабар" бойынша сотқа дейінгі тергеу басталды.