Екібастұзда балаларына жақтасып, қызыл кеңірдек болған әйелдерге айыппұл салынды

21:55, 26 мамыр 2022
269

© Сурет: Zakon.kz

Екібастұзда балалар алаңында екі әйел дауласып жанжалдасты. Оған түрткі - балалары әткеншекті өзара бөлісе алмауы, деп хабарлайды Zakon.kz.

25 мамырда сағат 14:30-да Королев көшесінің тұрғындары полицияға шағымданды. Адамдар екі әйелдің ойын алаңында қатты ұрсысып, жанжал шығарғанына наразылық білдірді. Олардың балалары әткеншекті өзара бөлісе алмаған.

Тұрғындардың айтуынша, бастапқыда балалар ұрсысып, жылай бастаған. Одан кейін ұрсысқа олардыі аналары кіріскен. Әрқайсысы өз баласын жақтап, дауысын көтере бастаған. Арасында балағат сөздер де айтылған.

Орын алған оқиға орнына жеткен полиция қызметкерлері әйелдерден тынышталуын сұрады.

Мұндай әрекеттер айналадағыларға құрмет танытпауды білдіреді және балаларға жаман үлгі. Сондықтан ата-аналардың әрқайсысы ҚР ӘҚБтК-нің 434-бабы бойынша әкімшілік жауапкершілікке тартылды. Павлодар облыстық ПД

Материалды сотқа жіберу жоспарланып отыр.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!