ӘЧ-2023: Қазақстан баскетболшылары іріктеу турнирінің бірінші кезеңін сәтті аяқтады

09:58, 2 шілде 2022
104

© Сурет: nbf.kz

Баскетболдан Қазақстанның ерлер құрамасы 2023 жылғы әлем чемпионатының іріктеу кезеңінің бірінші айналымын мерзімінен бұрын түйіндеді. 1 шілдеде қазақстандықтар Нұр-Сұлтан қаласындағы кездесуде Иран құрамасын ұтты, деп хабарлайды Zakon.kz.

Бұл D тобындағы бірінші орынды анықтайтын шешуші кездесу болды. Сондықтан жеңіске жеткен жағдайда қазақстандықтар біліктілік турнирінің екінші кезеңіне мерзімінен бұрын шығуға мүмкіндікке ие еді.

Айта кетсек, Ирандағы алғашқы ойында қазақстандықтар төрт ұпаймен жеңіске жетті – 73:69.

Осы жетістік тағы қайталанды. Қазақстандық баскетболшылар тағы да ирандықтарды ұтып кетті. Есеп - 68:60. Осылайша Қазақстан құрамасы өз тобында бірінші орынды иеленіп, ең көп ұпай санымен мерзімінен бұрын екінші айналымға өтуге тамаша мүмкіндікке ие болып отыр. Ол үшін бірінші раундтың соңғы ойынында Бахрейнді ұтуымыз керек.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!