Дипломаттық корпус алдында ыңғайсыз! Тоқаев елорда әкіміне өз сынын айтты

Елордада энергетика нысандары құрылысының дер уақытында аяқталмау проблемасы байқалады. Бұл туралы Нұр-Сұлтан әкімдігінде өтіп жатқан қаланы одан ары дамыту мәселелері жөніндегі мәжілісте Мемлекет басшысы Қасым-Жомарт Тоқаев айтты, деп хабарлайды ҚазАқпарат.
"Елордада энергетика нысандары құрылысының дер уақытында аяқталмау проблемасы байқалады. Құрылысы 2010 жылы басталған 3-Жылу электр стансасы осы жылы пайдалануға берілуі тиіс болатын. Бірақ, пайдалануға беру мерзімі бірнеше рет кейінге шегерілді. Демек, жоба тағы бір жылға шегерілмек. Енді жобалық-сметалық құжаты алдан шықты. Оны түзету қажет. Жоба 1,5 есе қымбаттады.
Бұған қоса, сомасы аз емес – 40 млрд теңгеден асып жығылады. Қаладағы жылу энергиясының тапшылығы аясында үшінші жылу электр стансасының дер уақытында пайдалануға берілмеуі бизнес дамуын баяулатады. Әкімдік мемлекеттік бюджет есебінен жүзеге асырылып жатқан жобаларды дер уақытында аяқтауы тиіс", - деп ескертті Қазақстан Президенті.
Мемлекет басшысы қаланың энергетикалық жүйесін "Сарыарқа" газ құбырына қосуға дайын болмауы да проблема екендігін баса айтты.
"Бұл – мүлдем түсініксіз мәселе. Қалай орын алған? Осы жылға көзделген 2,7 млрд теңге басқа өңірлердің арасында қайта бөлінеді. Оған қоса, біз ең бірінші кезекте, дәл осы елорданы газдандыру жайында ойлауымыз керек еді. Өйткені, қыста не орын алатынын жақсы білесіздер: қала түтінге оралып, ең алдымен, тұрғындардың, сондай-ақ дипломатиялық корпус алдында ыңғайсыздық туындайды", - деді Тоқаев.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
10:22, 25 қаңтар 2021
Қазақстандықтар ЕАЭО елдерінде де зейнетақысын ала алады
-
10:07, 25 қаңтар 2021
Бізге әзірге Путиннің отыра бергені тиімді. Ресейді әбден ыдыратсын
-
10:02, 25 қаңтар 2021
COVID-19: Алматы қаласы "қызыл" аймаққа еніп кетті
-
09:56, 25 қаңтар 2021
Басы дауға қалған семейлік депутаттардың оқиғасы өз жалғасын табуда
-
09:44, 25 қаңтар 2021
Өткен тәулікте КВИ мен пневмониядан 11 адам қайтыс болды
Пікір