Дариға Назарбаева Палестина Елшісін қабылдады
Парламент Сенатының Төрағасы Дариға Назарбаева Палестинаның Қазақстандағы Елшісі Монтасер Абу Зейдті қабылдады, деп хабарлайды ҚР Парламентінің Сенаты.
Дипломат Парламенттің жоғарғы палатасының Төрағасы қызметіне сайлануға байланысты Сенат басшысына Палестина Ұлттық Кеңесінің құттықтауын жеткізді және оған алдағы уақыттағы қызметі табысты болуына тілектестігін білдірді.
Д.Назарбаева "Қазақстан тәуелсіздіктің алғашқы күнінен бастап Таяу Шығыстағы өзекті мәселелерді бейбіт жолмен шешуді жақтап келеді және Палестинаны әлеуметтік-экономикалық тұрғыда тезірек оңалтуға бағытталған халықаралық қоғамдастықтың гуманитарлық акцияларын қолдайды", - атап өтті.
Елші халықаралық күн тәртібіндегі негізгі мәселелер бойынша қолдаулары мен ынтымақтастық үшін алғысын білдірді.
М.Абу Зейд сауда-экономика ынтымақтастығын дамыту туралы айта келіп, Қазақстан мен Орталық Азиядағы ең биік ғимарат болатын көп салалы "Абу-Даби Плаза" кешенінің құрылысы туралы хабардар етті. Қазірге дейін 76 қабаты салынды, қазан айының соңында "Sheraton" қонақ үйі пайдалануға берілетін болады.
Тараптар инвестициялық ынтымақтастықты кеңейту, Палестина азаматтары үшін виза тәртібін жеңілдету мүмкіндіктерін, сондай-ақ "Теңіз" мұнай кен орнындағы қақтығысты талқылады. Мәселелерді пысықтау үшін мекемеаралық комиссия құрылды. Сенат Төрағасы шетелдік азаматтардың Қазақстан заңнамасын сақтауы, сондай-ақ қазақ халқының ұлттық салт-дәстүрлерін құрметтеуі қажеттігін атап өтті.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
11:22, 29 наурыз 2024
Қазақстандағы ірі су тасқыны: Олжас Бектенов мәлімдеме жасады
-
10:50, 29 наурыз 2024
Алматыда патрульдік полицей жанып жатқан көлікті сөндірді
-
10:39, 29 наурыз 2024
Астанада Қуандық Бишімбаевқа қатысты кезекті сот отырысы басталды - трансляция
-
10:22, 29 наурыз 2024
Алматы полициясы түнде өз-өзіне қол жұмсау әрекетінің жан түршігерлік жай-жапсарын ашты
-
10:01, 29 наурыз 2024
Мемлекет басшысы Қытайда ірі компанияның басшысымен кездесті