Covid-2019: Алматыда жан сақтау бөліміндегі науқастар саны үш есеге артқан

14:55, 22 шілде 2021
135

© Сурет: pixabay.com

Бақытжан Сағынтаевтың тапсырмасы бойынша Алматы қаласы әкімінің орынбасары Ержан Бабақұмаров мегаполистегі эпидемиологиялық ахуалдың нашарлауы салдарынан коронавирус инфекциясының таралуының алдын алу жөніндегі қалалық штабтың жұмыс кеңесін өткізді, деп хабарлайды zakon.kz.

Бүгінде Алматыда 86 мыңнан астам КВИ жұқтырған жағдай тіркелген, оның ішінде соңғы тәулікте тіркелгендер саны - 993 жағдай. Сонымен бірге, тәулік сайын 400-ден астам науқас ауруханаға жатқызылуда, бұл емделіп шыққандар санынан 2 есе көп. COVID-19-пен 3099 пациент стационарлық емделуде жатыр, ал реанимация мен интенсивті терапияда 228 науқас жатыр, деп хабарлады Алматы әкімдігінің баспасөз қызметі.

Әкімнің орынбасары Ержан Бабақұмаров шілде айының басынан бері реанимация бөлімінде жатқан науқастар санының үш есеге артқанын, үй карантиніндегі науқастардың динамикасы (5821 науқас) өткен айда 6 есеге өскенін атап өтті.

Барлық инфекциялық стационарларда төсек орындардың жүктемесі 50%-дан асады. Сондықтан тамыз-қыркүйек айларына арналған болжамды жағдайларды және қаладағы аурулардың қарқыны мен деңгейін ескере отырып, қалада резервтік инфекциялық төсектерге қажеттілікті анықтау тапсырылды (қолданыста 6 090 төсек-орын бар) және оларды пайдалануды бастау қажет, - деді ол.

Сонымен бірге, кадр резервін қамтамасыз ету және оларды ковидті терапияға үйрету, вакцинация төлқұжаттарының қолдан жасалуымен күресу және алдын-алу бойынша нұсқаулар берілді.

Коронавирус инфекциясының таралуының алдын алу жөніндегі қалалық штаб алматылықтарды қорғаныс шараларын – бетперде режимін, әлеуметтік қашықтықты қатаң сақтауға, адамдар көп жиналатын орындарға бармауға, сонымен қатар вакциналану мәселесін кейінге қалдырмауға шақырады, өйткені бұл инфекциядан қорғаудың жалғыз әдісі.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір