Бүгінде елімізде 84 мешіт қаңырап бос тұр - министр
Бүгінде Қазақстанда 3601 мешіттің 84-і қаңырап бос тұр. Бұл процесті жүйеге келтіру үшін ғибадатхана салуда рұқсат беретін айқын стандарттар керек. Мәселен ғибадатхана салуға ниетті азаматтарға қосымша талаптар қойылуы мүмкін. Бұл туралы бүгін ҚР дін істері және азаматтық қоғам министрі Нұрлан Ермекбаев мәлімдеді, деп хабарлайды Sputnik Қазақстан.
"Ғибадатханаларды, соның ішінде мешіттердің де құрылысын тәртіпке келтіретін уақыт жетті. Мұсылман үшін мешіт – Алланың үйі, ол таза, күтілген болуы керек. Келуші жамағаттың санына сәйкес болуы, тиісті инфрақұрылыммен қамтамасыз етілуі, айналасына кедергі келтірмегені абзал. Мәселен, егер де мешіт немесе шіркеу қараусыз қалса, жамағат аз келсе, егер ғибадатхана халық көп жүретін көшенің бойында салынып, бірақ көлік қоятын орындары болмаса, егер қатты дыбыстар немесе қоңыраулар сол жердегі тұрғындардың мазасын алса, онда бұл құбылыс тек жағымсыз әрекеттерді туғызатыны анық. Өкінішке қарай, бізге мұндай шағымдар түсіп жатыр. Кейде мешіт салу сәнқойлық болып саналады, ал мешітте имамның болмауы немесе оны ұстап тұру жергілікті қауымға ауыр тиетіні назарға алынбайды. Салдарынан кейбір жерлерде мешіт ғимараттары сатылымға шығарылып жатыр. Құдайшылық іс бұл тек мешіт немесе шіркеу салу ғана емес", — деді министр алқа отырысында.
Ермекбаевтың айтуынша, бүгінде Қазақстанда 3601 мешіт бар, бірақ оның 84-і қаңырап бос тұр.
"Бұл процесті жүйеге келтіру үшін діни ғибадатханаларды салуда рұқсат беретін айқын стандарттар болуы керек. Соның ішінде жаңадан құрылыс салуға ниетті азаматтарға қосымша талаптар қойылуы мүмкін. Мысалы, ғибадатхана салудың жаңа үлгілік ережелерін енгізу керек", — деді ведомсто басшысы.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
10:22, 29 наурыз 2024
Алматы полициясы түнде өз-өзіне қол жұмсау әрекетінің жан түршігерлік жай-жапсарын ашты
-
10:01, 29 наурыз 2024
Мемлекет басшысы Қытайда ірі компанияның басшысымен кездесті
-
09:52, 29 наурыз 2024
Полиция 18 жылдан бері мемлекетаралық іздеуде жүрген шетелдік азаматты ұстады
-
09:36, 29 наурыз 2024
Зейнетақыны қайта есептетіп, мөлшерін арттыруға болады
-
09:21, 29 наурыз 2024
Өмір бойына бас бостандығынан айырылды: Үш жасар егіздер мен тоғыз жасар қызды зорлаған өгей әкеге үкім шықты