Бүгін республиканың басым бөлігінде күн ашық болады

09:04, 13 қыркүйек 2018
374

Бүгін антициклонның әсерінен республиканың басым бөлігінде жауын-шашын болмайды, деп хабарлайды Zakon.kz Қазгидрометке сілтеме жасап.

Кей жерде тұман, күшті жел болжанады. Жекелеген аумақтарда шаң аралас жел тұрады.

Атап айтқанда, Солтүстік Қазақстан облысында күндіз 15-20 м/с жел соғып, оның екпіні 23-28 м/с жетеді. Түнде және таңертең кей жерлерде тұман түседі.

Қостанай, Шығыс Қазақстан облыстарының кей жерінде тұман түсіп, күндіз желдің жылдамдығы 15-20 м/с күшейеді.

Жамбыл облысының кей жерін тұман басып, желдің екпіні 15-23 м/с артады.

Қызылорда облысының кей жерінде 15-20 м/с екпіндегі желге шаңды дауыл араласады.

Павлодар, Қарағанды, Алматы, Маңғыстау облыстарының кей жерінде тұман түседі.

Түркістан, күндіз Атырау, Батыс Қазақстан облыстарының жекелеген жерлерінде желдің жылдамдығы 15-20 м/с жетеді.

Түнде Павлодар, Қарағанды, Шығыс Қазақстан, Алматы, Жамбыл облыстарында 1-3 градус үсік жүреді.

Қызылорда, Түркістан, Жамбыл, Маңғыстау облыстарының басым бөлігінде, Атырау, Батыс Қазақстан, Ақтөбе және Қарағанды облыстарының кей жерінде жоғары өрт қаупі сақталады.


Telegram арнасындағы маңызды жаңалықтар «zakon.kz». Жазылу!

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!