Бүгін Алматыда ХҚКО, кафелер, сауда үйлері, қонақ үйлер өз жұмысына кірісті
25 мамырда Алматыда карантиндік шектеулерді кезең-кезеңмен жою кезінде Халыққа қызмет көрсету орталықтары, кафелер, сауда орталықтары, қонақ үйлер мен сұлулық салондары өз жұмысын бастады, деп хабарлайды zakon.kz.
Қала әкімдігі 25 мамырдан бастап 3 631 кәсіпорын қайта ашылады деп жоспарлап отыр. Сонда тағы 84,2 мың адам жұмысқа оралады.
Оларға жұмысқа кірісуде қойылатын маңызды шарты - бір отбасының мүшелерін қоспағанда, көрші үстелдерде отырған қонақтардың арасындағы қашықтық кемінде 2 метр, ал бір үстелге отыратын адамдар саны 4 адамнан аспауын қамтамасыз ету.
Қоғамдық тамақтандыру орындарының жұмысына сағат 23.00-ге дейін рұқсат етіледі. Бірінші кезеңде банкеттер мен мерекелер өткізуге тыйым салынады. Сондай-ақ, бұл кезеңде караоке, бильярд бөлмелері және қоғамдық тамақтану аумағында жұмыс істейтін басқа да ойын-сауық орындарының жұмысына тыйым салынады. Карантин кезеңінде кальян-барлар жұмысына тыйым салынады.
2020 жылдың 25 мамырынан бастап карантиндік шараларды жұмсарту кезеңі бойынша қала басшылығы бұрын жабылған азық-түлік базарлары мен әмбебап базарлардың азық-түлік қатарларынан шектеулерді алып тастады. Ал карантин кезеңінде қаладағы 23 базардың 13-і ғана жұмыс істеген.
Әкімдік азық-түлік базарлары кезең-кезеңімен ашылатынын атап өтті: қаладағы эпидемиологиялық жағдайға және нысандардың дайындығына байланысты.
25 мамырдан бастап Алматыда 16 ХҚКО ашылды, оның ішінде бес арнайы ХҚКО, екі көші-қон орталығы және екі сандық қызмет орталығы бар.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
11:22, 29 наурыз 2024
Қазақстандағы ірі су тасқыны: Олжас Бектенов мәлімдеме жасады
-
11:06, 29 наурыз 2024
Қазақстан айырбастау пункттеріндегі 29 наурыздағы валюта бағамы
-
10:50, 29 наурыз 2024
Алматыда патрульдік полицей жанып жатқан көлікті сөндірді
-
10:39, 29 наурыз 2024
Астанада Қуандық Бишімбаевқа қатысты кезекті сот отырысы басталды - трансляция
-
10:22, 29 наурыз 2024
Алматы полициясы түнде өз-өзіне қол жұмсау әрекетінің жан түршігерлік жай-жапсарын ашты