БҚО полициясы есірткі қылмысына қатысы бар күдіктілерді ұстады

19:14, 26 қыркүйек 2024

© Сурет: видео скрині

БҚО полициясы есірткі қылмысына қатысы бар күдіктілерді ұстады, деп хабарлайды Zakon.kz.

"Қарасора" жедел-профилактикалық іс-шарасын өткізу барысында БҚО ПД ҰҚҚКБ қызметкерлері патрульдік полиция батальонының қызметкерлерімен бірлесіп Lada ВАЗ 2114 автокөлігін тоқтатты.

Автокөліктің салонын тексеру барысында жүргізуші мен жолаушыдан өсімдік тектес заттары бар 9 зип-пакет табылып, тәркіленді. Сондай-ақ полиция қызметкерлері 33 жастағы Орал қаласының тұрғынын ұстады. Оны жеке тінту кезінде өсімдік тектес зат салынған орама табылып, тәркіленді.

Есірткі заттарымен заңсыз жұмыс істеу фактілері бойынша сотқа дейінгі тергеп-тексеру басталды.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!