Бішкекте Жоғары Еуразиялық экономикалық кеңестің отырысы басталды

Президент Қасым-Жомарт Тоқаев Жоғары Еуразиялық экономикалық кеңесінің отырысына қатысу үшін Бішкек қаласына жұмыс сапарымен барды, деп хабарлайды Zakon.kz.

Әуежайда мемлекет басшысын Қырғыз Республикасы Министрлер кабинетінің төрағасы – Президент Әкімшілігінің басшысы Ақылбек Жапаров күтіп алды.

Кейіннен Қырғыз Республикасының президенті Садыр Жапаров Қазақстан президенті Қасым-Жомарт Тоқаевты «Ала-Арча» резиденциясының Конгресс-холлында қарсы алды.

Жоғары Еуразиялық экономикалық кеңестің шағын және кеңейтілген құрамдағы отырыстары өтетінін Ақорда хабарлаған еді.

Ақорда Жоғары Еуразиялық экономикалық кеңеске қатысушылардың бірлескен суретке түскен сәтінен фото жариялады.

Сурет: akorda.kz