Бердібек Сапарбаев ҚР Премьер-министрінің орынбасары болып тағайындалды
Қазақстан Президенті Бердібек Сапарбаевты ҚР Премьер-министрінің орынбасары ретінде тағайындаған Жарлыққа қол қойды, деп хабарлайды Zakon.kz Ақордаға сілтеме жасап.
Бердібек Машбекұлы Сапарбаев ҚР Премьер-министрінің орынбасары болып тағайындалсын, ол ҚР Еңбек және халықты әлеуметтік қорғау министрі қызметінен босатылсын, - делінген Жарлықта.
Алдында Мәжілісте ҚР Премьер-министрінің орынбасары кандидатурасы алдын ала анықталған еді.
- Мәжілісте Әлеуметтік-мәдени даму жөніндегі комитеттің отырысы өтті. Онда Бердібек Сапарбаевтың ҚР Премьер-министрінің орынбасары лауазымына тағайындаудағы кандидатурасы келісілді. Бұл мәселе "ҚР Парламенті және оның депутаттарының мәртебесі туралы" ҚР Конституциялық заңының 22-бабы, 1-тармағына сәйкес комитет отырысында қаралды. Қазақстан Премьер-министрінің тапсырмасымен Сапарбаевтың кандидатурасын ҚР Премьер-министр Кеңсесінің басшысы Ғалымжан Қойшыбаев ұсынды. Ол Сапарбаевтың мол тәжірибесі мен жоғары кәсіби білігін ерекше атап өтті.
Комитет отырысы қорытындысы бойынша тиісті шешім қабылданды. Сөйтіп ҚР Парламенті Мәжілісінің Әлеуметтік-мәдени даму комитеті "ҚР Парламенті және оның депутаттарының мәртебесі туралы" ҚР Конституциялық заңының 22-бабының 1-тармағына сәйкес, Премьер-министр ұсынған Сапарбаев Бердібек Машбекұлының кандидатурасын қарап, оны ҚР Премьер-министрінің орынбасары лауазымына тағайындау үшін ұсынуға болады деп шешті. Депутаттар сенім білдірілген кандидаттың болашақ жұмысына табыс тіледі - делінеді Мәжілістің баспасөз қызметінің хабарламасында.
Осылайша Сапарбаев басқа жұмысқа ауысқан Әбдіхалықованың орнын басты.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:22, 29 наурыз 2024
Алматыда бірқатар алаяқтықпен айналысқан әйел ұсталды
-
17:11, 29 наурыз 2024
Елена Рыбакина Майами турнирдің финалында әлемнің 53-ракеткасымен ойнайды
-
16:55, 29 наурыз 2024
Қазақстанға 85 миллиард теңгенің активтері қайтарылады
-
16:55, 29 наурыз 2024
Қазақстанға 85 миллиард теңгенің активтері қайтарылды
-
16:41, 29 наурыз 2024
Қазақстанда бірнеше шетелдік банк ашылуы мүмкін