Бауыржан Байбек Универсиада нысандарының дайындығын тексерді
Алматы әкімі Бауыржан Байбек 28-ші Бүкіләлемдік Қысқы Универсиада қарсаңында Атлеттер ауылының, «Алматы Арена» мен «Халық Аренаның», Балуан Шолақ атындағы спорт сарайының, «Сұңқар» халықаралық шаңғы трамплині кешенінің, «Медеу» мұз айдынының, «Шымбұлақ» тау шаңғы курортының дайындықтарын тексерді.
Атлеттер ауылында қала әкімі Алатау ауданындағы алғашқы фитнес орталықтың, MARWIN отбасылық дүкендер желісінің жұмысымен танысты. Сонымен қатар жақында ашылған супермаркетке қойылған тауарларды көрді.
Бауыржан Байбек отандық өнімдер, сувенир бұйымдары, киім мен спорт тауарлары және басқалары қойылған жаңа дүкенде алғашқылардың бірі болып сауда жасады.
Алматы әкімінің кезекті жұмыс сапары аясында «Сұңқар» халықаралық шаңғы трамплині кешенінде орналасқан Универсиаданың басты операциялық және ақпараттық орталығының дайындығы да көрсетілді.
Бауыржан Байбек қалалықтардың қауіпсіздігін, жайлы өмірін қамтамасыз ету мен басқа да кешенді мәселелерді шешу ісі одан әрі жалғасын табатынын, ал бұл Алматыға деген туристік қызығушылықты арттыратынын айтты.
Еске сала кетейік, Халықаралық қысқы студенттер ойындары Алматыда 29 қаңтар мен 8 ақпан аралығында спорттың 12 түрі бойынша 8 спорт нысандарында өтеді.
Мысалы, «Алматы Аренада» Универсиаданың ашылу және жабылу салтанаттары, мәнерлеп сырғанау мен керлингтен, «Халық Аренада» ерлер арасындағы шайбалы хоккейден, «Медеу» мұз айдынында конькимен жүгіруден, «Шымбұлақта» тау шаңғысы, сноуборд, фристайлдан, «Сұңқар» ХШТК-де шаңғымен трамплиннен секіруден, шаңғы қос сайысынан, Балуан Шолақ атындағы спорт сарайынының негізгі аренасында шайбалы хоккейден (әйелдер), кіші аренада шорт-тректен, «Алатау» шаңғы биатлоны кешенінде тау шаңғысынан, биатлоннан, шаңғы қос сайысынан, «Табағанда» Биг Эйр және шаңғы акробатикасынан жарыстар өтеді.
Источник: khabar.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:14, 19 сәуір 2024
Су тасқынынан зардап шеккен азаматтар бүлінген қай мүлкі үшін өтемақы ала алады
-
22:00, 19 сәуір 2024
«Мектептерге теракт жасалады». Атырау полициясы анонимді Telegram-арнаның авторын тапты
-
21:43, 19 сәуір 2024
Гимнастикалық ат снарядында өнер көрсеткен Курбанов та Париждегі Олимпиадаға жолдама алды
-
21:14, 19 сәуір 2024
Павлодар облысындағы аудандардың бірінде су тасқынынан зардап шеккендерге үй салына бастады
-
20:33, 19 сәуір 2024
Вице-министрлер тағайындалды. Үш министрлікте кадрлық ауыс-түйіс болды