Ауруханадағы ковид марқұмның телефоны ұрланып, күзетші күдікке ілікті

16:59, 22 қыркүйек 2021

© Сурет: Pixabay

Емдеу мекемесінің күзетшісі Теміртауда COVID-19-дан қайтыс болған науқастың ұялы телефонын ұрлады деген күдікке ілінді, деп хабарлайды zakon.kz.

11 тамызда Қарағанды облысы Теміртау қаласы Ескі қала полиция бөліміне 67 жастағы қала тұрғыны арызданды. Ол медициналық мекемелердің бірінде белгісіз ер адам коронавирус инфекциясынан қайтыс болған 65 жастағы әйелінің 70 мың теңге тұратын ұялы телефонын ұрлап алғанын айтқан.

Полиция қызметкерлері жедел-іздестіру шаралары барысында 33 жастағы ер адамды анықтап, ұстады. Телефон заттай айғақ ретінде алынды, - деді Қарағанды облыстық ПД басшысы Ерлан Файзуллин.

Полициядағылар анықтағандай, күдікті медициналық мекемеде күзетші болып жұмыс істейді және ұсталғанға дейін бірнеше күн бұрын жұмыстан шығып кеткен. Оның осыған ұқсас басқа қылмыстарға қатысы бар-жоқтығы анықталып жатыр.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!