Атырауда кондукторлар мектеп оқушыларын автобустардан түсіріп кетіп жатыр

12:45, 21 қыркүйек 2017

Атырауда соңғы бір аптаның ішінде оқушыларды жаппай автобустан түсіріп тастаған екі жағдай тіркелді. Бұл туралы Stan.kz, “Мой Город” жариялаған ақпаратқа сілтеме жасап хабарлайды.

“Мен 7-сыныпта оқимын. Аялдамадағы барлық адамдар міне бастады, кезек бізге жеткенде кондуктор “Болды, сендерге орын жоқ” деп айтты. Негізінде біз сыйып кетер едік. Ол солай айтты да, есікті жауып алды”, – дейді қыз бала.

Ал оқушыларды жаппай автобустан түсіріп тастаған екінші оқиға №2 автобуста тіркелген. Куәгерлердің айтуынша кондуктор тиісті аялдамаға дейін жеткізбей оқушыларды күштеп түсіріп кетіпті.

“Кондуктор оқушыларға Шалқыма деген аялдамадан түсіп қалыңдар деді. Сосын өзі күштеп түсіріп тастады. Біз наразылық танытып, оқушыларға күш көрсетуге қандай құқығың бар деп едік, “бір автобуста 5 оқушыдан аспауы керек” дейді. Оның мұндай ережені қайдан тауып алғанын білмеймін”, – дейді тұрғын.

Оқушылар балаларды мінгізуден бас тартқан автобус нөмірін суретке түсіріп алыпты. Енді кондуктордың әрекетіне қатысты шара қолданылуы мүмкін.

Фото: static.irk.ru

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!