Атырау облысында Исатай Тайманұлының қола ескерткіші ашылды
Атырау облысы Исатай ауданының орталығы Аққыстау ауылында халық батыры, XVIII ғасырдағы соңғы хан билігіне қарсы ұлт-азаттық көтерілістің қолбасшысы болған Исатай Тайманұлына ескерткіш ашылды, деп хабарлайды Zakon.kz Атырау облысы әкімдігінің баспасөз қызметіне сілтеме жасап.
Исатай Тайманұлына арналып салынған ескерткіштің авторы - ҚР суретшілер одағының мүшесі, мүсінші Серік Матениязов. Биіктігі 12 метр болатын ескерткіш таза қоладан құйылған.
Салтанатты шараға арнайы қатысқан облыс әкімінің бірінші орынбасары Серік Шапкенов Исатай батыр ескерткішін республикадағы ең еңселі әрі тұғырлы мүсіннің бірі екендігін атап өтті.
- Мұндай шоқтығы биік алып ескерткіштің нақты Исатай ауданында ашылуы заңды құбылыс.Бұл істің басы-қасында болып, ойға алған жоспардың ойдағыдай орындалып, уақытылы орнатылғаны үшін жергілікті жауапты тұлғаларға алғыс бідіремін. Бүгінгі біздердің міндетіміз – ұлы тұлғаларымызды ұлықтау. Осы арқылы өскелең ұрпақты тәрбиелеуіміз керек. Найза ұстаған айбарлы Исатай батыр ескерткіші республикадағы ең еңселі әрі тұғырлы мүсін. Барша исатайлықтарды айтулы мерекемен құттықтаймын, - дейді Серік Шапкенов.
Бір минут үнсіздіктен соң ескерткішті облыстық ардагерлер қоғамының төрағасы Қатимолла Ризуанов, облыстық ауған соғысы ардагерлері қоғамы төрағасының орынбасары Бейімбет Нариманұлы және ауған соғысы жауынгерінің жесірі Қалима Абуова ашты.
Айта кетейік, шара аясында облысқа танымал ғалым Амангелді Шамғоновтың Исатай Тайманұлы туралы жақында ғана көрген жаңа кітабының тұсауы кесілді.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
12:02, 23 сәуір 2024
Мемлекет басшысы Өзбекстан Президентіне су тасқыны кезеңнінде көмек көрсеткені үшін алғысын білдірді
-
12:00, 23 сәуір 2024
Алматы мен Астанадағы айырбастау пункттеріндегі 23 сәуірдегі валюта бағамы
-
11:40, 23 сәуір 2024
Ұлыбританияның Сыртқы істер министрі Астанаға іссапармен келмек
-
11:24, 23 сәуір 2024
Қазақстан мен Таиланд тұрақты визасыз келісімге қол қойды
-
11:09, 23 сәуір 2024
Жайық өзеніндегі жағдай жақсармай тұр. Баяу болса да су әлі келуде