Астанада «Жұлдызды көкпар» өтеді
Бұл туралы Аударыспақтан ІІІ және Теңге ілуден ІI Азия чемпионатын ұйымдастыру жөніндегі баспасөз мәслихаты кезінде Ұлттық спорт түрлері қауымдастығының президенті, Мәжіліс депутаты Бекболат Тілеухан мәлімдеді, деп хабарлайды Baq.kz ақпарат агенттігі.
«Аталған екі Чемпионат биылғы ұлттық спорттың маусымашар шаралары. Алда бізді – Ат үстінде садақ атудан Әлем Чемпионаты, «Жұлдызды көкпар», «Жұлдызды асық» деген жобаларымыз және жыл сайын өтетін «Алтын тұлпар» аламан бәйгесі күтіп тұр. Бұл жобаларға Мәдениет және спорт министрлігі қолдау білдіріп отыр, «Самұрық Қазына» әл ауқат қоры мен «Samruk Kazyna Trust» қоры көмектесеміз деп отыр» - дейді Бекболат Тілеухан.
Әзірге сайыстардың нақты қашан өтетіні белгісіз. Дегенмен астаналықтарды ҚР Ұлттық спорт қауымдастығы ұйымдастырып отырған «Астананың 20 жылдығына 20 ұлттық-спорттық іс шара» кампаниясы арқылы көптеген қызықты шаралар күтіп тұрғаны анық.
"Елбасы өзінің «Рухани жаңғыру» атты мақаласында ұлттық код туралы айтқан еді. Біз ұлттық спорттар мен ойындарды дамытуды – ұлттық кодымызды сақтаудың бірегей жолы ретінде көреміз. "Жұлдызды көкпар", "Жұлдызды асық" қатарлы жобаларға елімізге танымал, ат құлағында ойнайтын өнер иелері мен сала мамандары қатыса алатын болады. Спорттың өзі шоу деп қарасақ, ұлттық спортымызды насихаттаудың бір жолы осы ғой деп ойлаймыз" - дейді Бекболат Тілеухан.
Ержан Жаубай
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:51, 28 наурыз 2024
Павлодарда жүкті жеңгесін ұрып-соққан ер адам қамауға алынды: бала шетінеп кеткен
-
22:22, 28 наурыз 2024
Ақтөбе облысындағы тағы бір ауданда төтенше жағдай жарияланды
-
22:00, 28 наурыз 2024
БҚО-да үйін су басқан 400-ге жуық адам тікұшақпен аудан орталығына жеткізіледі
-
21:43, 28 наурыз 2024
Қазақстанның Украинадағы елшілігі азаматтарымызға Одесса және Харьков облыстарынан кетуді ұсынды
-
21:00, 28 наурыз 2024
Ақтөбе облысының екі ауданында төтенше жағдай жарияланды