Астанада апатқа байланысты 230-дан астам үй газсыз қалды

Елордада 28 қарашада сағат 18:40-та "Газовик" ЖШС-ның құрылыс техникасы жер қазу жұмыстарын жүргізу кезінде орташа қысымды газ құбырын зақымдаған. Салдарынан "Көктал-1" ауданында газ беру қызметі толығымен тоқтатылды, деп хабарлайды Zakon.kz.

Төтенше жағдай Шұғыла көшесінде орын алған. Зақымданған газ құбыры ГРПШ-14,15,16-ны табиғи газбен қамтамасыз ететін.

"236 абонент газсыз қалды. Апаттың салдарын жою жұмыстары аяқталғаннан кейін газ беру қызметі қайта қалпына келтірілетін болады". "ҚазТрансГаз Аймақ" АҚ

Компания зардап шеккен аудан тұрғындарынан апаттық кранды жабуды сұрады.