Астана қаласына жаңа әкім тағайындалды

16:52, 8 желтоқсан 2022
150

Астана. 5 желтоқсан. 7kun.kz – Жеңіс Қасымбек Астана қаласының әкімі болды, деп хабарлайды 7kun.kz.

«Жеңіс Махмұдұлы Қасымбек Астана қаласының әкімі лауазымына тағайындалсын», — делінген Жарлықта.

Ол 2019 жылдың қыркүйегінен бүгінге дейін Қарағанды облысының әкімі болған еді.

Жеңіс Қасымбек 1975 жылы Жамбыл облысында дүниеге келген. Қазақ мемлекеттік сәулет-құрылыс академиясын «сәулетші-дизайнер» мамандығы бойынша, 2001 жылы Л. Гумилёв атындағы Еуразия мемлекеттік университетін «мемлекеттік және жергілікті басқару» мамандығы бойынша тәмәмдаған.

Еңбек жолын 1997 жылы Қазақ мемлекеттік сәулет-құрылыс академиясында тағылымгер-зерттеуші болып бастаған.

1998-2000 жылдары ҚР монополияға қарсы саясат жөніндегі комитетінің бөлімін басқарды.

ҚР ККМ Су көлігі департаментінің директоры болып жұмыс істеген.

2004 жылдан 2005 жылға дейін «Ақтау халықаралық теңіз сауда порты» РМК директоры болды.

2005 жылғы қарашада Көлік және коммуникация вице-министрі болып тағайындалды. Содан кейін Көлік және коммуникация министрлігінің Жауапты хатшысы болды. Кейінірек Көлік және коммуникация министрі қызметін атқарған. Бұдан кейін Инвестициялар және даму министрі, Индустрия және инфрақұрылымдық даму министрі болып жұмыс істеді.

2019 жылғы 25 ақпанда ҚР Премьер-министрінің орынбасары болды.

Еске салайық, бұған дейін Астана қаласының әкімі қызметін Алтай Көлгінов атқарған болатын.

Источник: 7kun.kz


Подписывайтесь на наш Telegram-канал. Будьте в курсе всех событий!
Мы работаем для Вас!