Алматының Түрксіб ауданында терроризмге қарсы операция режимі енгізілді

11:57, 26 қаңтар 2022
97

© Сурет: Zakon.kz

26 қаңтар сағат 00:00-ден 27 қаңтар 00:00-ге дейін Алматы қаласы Түрксіб ауданы аумағында антитеррорлық операция режимі енгізілді, деп хабарлайды Zakon.kz.

Терроризмге қарсы күрес жөніндегі қалалық жедел штаб ұйымдасқан қылмыстық топтың бес жетекшісі мен мүшелерінің ұсталғанын хабарлады.

Күдіктілер қаңтардың 4-і мен 6-сы аралығында Алматыда мемлекеттік мекемелер мен коммерциялық нысандарға жасалған қарақшылық шабуылға қатысқан. Ұстау кезінде қару-жарақ (тапаншалар, шолақ мылтықтар, патрондар), ұнтақ тәрізді зат және ерекше иісі бар таблеткалар тәркіленді.

"Құқық қорғау органдарының жұмысына түсіністікпен қарауларыңызды, заң талаптарын қатаң сақтауларыңызды сұраймыз", – делінген  Алматы қалалық терроризмге қарсы күрес жөніндегі жедел штаб таратқан хабарламада.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!