Алматыдағы инфекциялық стационардың бірінен түсірілген видео: «Грязный зонаға» кіреміз...»

14:45, 16 шілде 2020
153

STOPCOV Almaty тобы Алматыдағы Орталық қалалық клиникалық ауруханасында коронавирустан емделіп жатқан науқастарды видеоға түсірді, деп хабарлайды zakon.kz.

STOPCOV Almaty тобының Telegram арнасында Алматыда коронавирус науқастар емделіп жатқан 12-ші ауруханадан түсірілген видео жарияланды.

Бұл видеоны түсіру кезінде Алматыда 8 040 адам вирус жұқтырғаны айтылады. Мұнда күн сайын 150 дәрігер адамдардың өмірі үшін күресетіні, ал күніне ауруханаға 30 науқас түсетіні де атап өтілген. Негізінен, мұндағы науқастардың жағдайы орташа және ауыр.

- Біз "грязный зонаға" кіріп жатырмыз. Бұл жерде біз өзімізбен бірге әкелген заттарымызды қалдыруымыз керек. Мен өзім обаға қарсы костюм кидім, мұнымен емін-еркін жүрудің өзі мүмкін емес, - дейді видеоны түсірген жігіт.

Түсірілім кезінде дәрігерлер науқастардың жағдайын сұрады.

- Қазір жақсы. Мен өткен жексенбіден бері осында жатырмын. Менің өкпемнің 75% зақымданған, - деді науқастардың бірі.

STOPCOV Almaty тобы барлық науқастарға тезірек сауығуды тілеп, коронавирустың салдарынан қайтыс болғандардың туыстарына қайғырып көңіл айтты.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір