Алматыда жолдан жүгіріп өтпек болған ер адам мерт болды

Қайғылы оқиға Сейфуллин даңғылының бойында Жансүгіров көшесіне жетпей орын алды, деп хабарлайды Zakon.kz.

Honda Odyssey маркалы автокөлік Сейфуллин даңғылы бойымен солтүстік бағытта келе жатқан.

Жансүгіров көшесіне бірнеше метр қалғанда жолға ер адам жүгіріп шығады. Жүргізуші тежегішті басқанымен, бәрі кеш еді.

Сурет: Zakon.kz

Марқұмның ішімдік қолданғаны анықталды. Ер адамның жеке басы анықталу үстінде.

Оқиға орнында криминалистер жұмыс істеп жатыр.