Алматыда жол апаты орын алып, мотоцикл жүргізушісі мерт болды

Ер адам жедел жәрдем көлігі келіп жеткенше көз жұмды. Полицейлер жантүршігерлік жол апатының себептері мен мән-жайын анықтап жатыр, деп хабарлайды Zakon.kz.

Қайғылы жол апаты Халиуллин мен Набережная көшелерінің қиылысында орын алды.

Сурет: Zakon.kz

Honda және Yamaha мотоцикліндегілер Халиуллин көшесі бойымен бір-біріне қарсы бағытта жүріп келе жатқан.

Сурет: Zakon.kz

Yamaha мотоциклінің жүргізушісінің айтуынша, Honda-дағы ер адам күтпеген жерден қарсы жолаққа шығып кеткен, содан кейін ол бір бүйіріне қисая құлаған. Мотоциклмен қоса Honda жүргізушісі де жолға ұшып түскен.

Сурет: Zakon.kz

Апат салдарынан Honda-дағы ер адам дәрігерлер келгенше оқиға орнында мерт болды. Полицейлер ер адамның өлімінің себебін анықтап жатыр: жол апаты кезінде тас жолға ұшып түсіп, жазатайым оқиға орын алды ма, әлде Yamaha жүргізушісінің соқтығысуынан болды ма деген тұрғыда.