Алматыда жедел жәрдем жүргізушісін соққыға жыққан түрік кепілмен босатылды
Алматыда жедел жәрдем дәрігерін соққыға жыққан Түркия азаматы кепілмен босатылды деп хабарлайды Sn.kz.
Жедел жәрдем жүргізушісіне жұдырық жұмсаған ер адамға қатысты «Бұзақылық» бабы бойынша тергеу амалдары жүріп жатыр. Ол тұтқындалғаннан кейін уақытша ұстау изоляторына қамалған.
Алайда тергеуші күдіктінің қамауға алынуына қол жеткізе алмады.
«Бүгін ол сотқа дейінгі тергеу амалдары кезінде бұлтартпау шаралары тағайындалуы үшін Алмалы аудандық прокуратурасына тапсырылды. Айта кетсек, істің өндірісін жүргізіп жатқан тергеуші прокурорға қамауға алу туралы өтініш берді. Алайда аудандық прокурор тергеушінің өтінішхатын қолдаудан бас тартып, осыған байланысты күдіктіге қатысты «кепіл» түріндегі бұлтартпау шарасы таңдалды», – дейді Алматы қалалық ІІД тергеу басқармасының басшысы Рустам Әбідрахманов.
Ведомство мәліметінше, тергеу басқармасы күдіктіні қамауға алудан бас тартқан аудандық прокурордың шешіміне қарсылық танытпақ.
Естеріңізге сала кетсек, 18 қыркүйекте Алматыда түрік жігіті егде жастағы жедел жәрдем жүргізушісін ұрып тастаған еді. Артынша жедел жәрдем көлігінің жүргізушісі оқиғаның қалай болғанын айтып берді.
Telegram арнасындағы маңызды жаңалықтар «zakon.kz». Жазылу!
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
23:00, 18 наурыз 2024
Алматы облысында ер адам «қыл көпірден» құлап, мерт болды
-
22:25, 18 наурыз 2024
«Аккаунттарын жойған». Павлодарда жоғалған фармацевт жігіт іздестіріліп жатыр
-
22:03, 18 наурыз 2024
«Зая кеткен еңбек». Жамбыл облысында да қоймалардағы мыңдаған тонна пияз шіріп жатыр
-
21:50, 18 наурыз 2024
Елордалық емханада марқұм болған және қоныс аударған азаматтар тіркелген – МӘМСҚ
-
21:37, 18 наурыз 2024
Ақмола облысында су тасқынының алдын алу үшін Нұра өзенінде жарылыс жұмыстары жүргізілді