Алматыда ҰҚК қызметкерлері есірткі саудасымен айналысқан екі топты құрықтады

19:28, 28 қазан 2021
86

© Сурет: ҚР ҰҚК

ҚР ҰҚК Алматы қаласы бойынша департаменті Алматы қаласы прокуратурасының үйлестіруімен өңір аумағындағы жасырын зертханаларда ірі партияда синтетикалық есірткі жасауға және оларды Интернет ресурстары арқылы таратуға қатысы бар екі есірткі тобының әрекетін анықтап, жолын кесті, деп хабарлайды Zakon.kz.

Жедел-іздестіру іс-шаралары кешенінің нәтижелері бойынша одан әрі көтерме партияда өткізумен "мефедрон" және "Aльфа-PVP" жасырын өндірісі бойынша екі есірткі зертханасын ұйымдастырған Қырғызстан азаматы мен төрт Қазақстан азаматы ұсталды.

Тінту іс-шараларын жүргізу нәтижесінде 4 келі синтетикалық есірткі, және 40 литр жартылай дайын есірткі заты, 1 келі гашиш, 20 келіден астам химиялық қоспа және зертханалық жабдықтар табылып, алынды.

Қылмыстық тауардың әлеуметтік мессенджерлер арқылы байланыссыз тәсілмен жасырын жерге қалдыруды жүзеге асыру жолымен таратылғаны анықталды.

Осы фактілер бойынша ҚР ҰҚК Алматы қаласы бойынша департаменті сотқа дейінгі тергеу материалдарын ҚР ҚК 297-бабының 3-бөлігі бойынша СДТБТ-ға тіркеді.

Есірткі заттары мен прекурсорлардың ірі партиясын жасырын жасап, Алматы қаласының "қара нарығына" жеткізудің өсуін тіркеу тоқтаусыз жалғасып отырғанын атап өту қажет.

2021 жылдың басынан бастап қазіргі уақытқа дейін ҚР ҰҚК Алматы қаласы бойынша департаменті есірткі затының заңсыз айналымының 18 фактісінің жолын кесті, синтетикалық есірткі жасайтын 10 жасырын зертхананың жұмысын тоқтатты. Заңсыз айналымнан шамамен 255 келі есірткі заты алынды. Есірткі бизнесімен айналысқаны үшін 33 адам ұсталып, қылмыстық жауаптылыққа тартылды.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір