Алматыда түнде құрылыс базары өртенді

2-нен 3 шілдеге қараған түні Алматы қаласы ТЖД қызметкерлері Алатау ауданындағы "Бақорда" базарының аумағындағы өртке қатысты келіп түскен шақыру бойынша аяғынан тік тұрғызылды, деп хабарлайды Zakon.kz.

7 минутта оқиға орнына келіп жеткен өрт сөндірушілер салынып жатқан сауда орталығының жанындағы құрылыс базарының өртеніп жатқанын анықтады.

Қатты жалынның жақын маңда орналасқан ағаш қатарлары мен салынып жатқан ғимаратқа таралу қаупі туындады.

Оқиға орнында дереу жедел штаб құрылып, өз жұмысына кірісті, тиімділігі жоғары оқпандар тартылып, өртке қарсы автопойызы іске қосылды, үйінділерді талқандап, жалынды оқшаулау үшін құтқару қызметінің ауыр шынжыр табанды техникасы тартылды. Өртті сөндіруге 21 техника мен жеке құрамнан 64 адам жұмылдырылды. Алматы қаласы ТЖД баспасөз қызметі

Bu gönderiyi Instagram'da gör

Департамент по ЧС г.Алматы (@almaty_tjd)'in paylaştığı bir gönderi

Қабылданған жедел шаралардың арқасында жоғары дәрежелі өрт бір сағат ішінде оқшауланып (4:04), сағат 6:35-те толықтай сөндірілді. Өрт аумағы 2 мың шаршы метрді құрады.

Өрт сөндірушілер базардың 24 мың шаршы метрден астам (нарықтың жалпы ауданы – 26 мың шаршы метрден астам) барлық аумағын оттан қорғауға қол жеткізді.

Сондай-ақ, "Бақорда" базарының аумағында салынып жатқан сауда орталығы ғимаратының аумағына оттың таралуына жол берілмеді.

Қаза болғандар мен зардап шеккендер жоқ. Өрттің шығу себебі анықталып жатыр.