Алматыда дәрігерлерге арналған үстемақыға қатысты бірқатар заңбұзушылықтар анықталды
Алматыда коронавируспен күресіп келген дәрігерлерге төленген үстемақы оңды-солды жұмсалған. Ішкі мемлекеттік аудит департаментінің мәліметінше, мұндай заң бұзушылыққа Тауарлар мен қызмет сапасын және қауіпсіздігін бақылау департаменті жол берген, деп хабарлайды zakon.kz КТК телеарнасына сілтеме жасап.
Ернат Байғалық, ҚР ҚМ ІМАК Алматы қаласы бойынша Ішкі мемлекеттік аудит департаменті басшысының орынбасары:
- Аудит барысында 55,6 миллион теңгенің заң бұзушылық анықталды. Оның ішінде 4,2 миллион теңге қызметкерлерге заңсыз берілген. 32,8 миллионы қызметкерлерге берілген үстемақыдан заңсыз салық және зейнетақы жарнасы түрінде ұсталғаны анықталды. 18,4 миллионын есеп бойынша қалпына келтіру керек.
Тексеру анықтағандай, кейбір қызметкерге үстемақы заңсыз төленсе, енді біреуінен заңсыз ақша ұсталған. Ал Ішкі мемлекеттік аудит департаменті басы дауға қалған мекеменің осы жылдың 1-қаңтары мен 31-тамыз аралығында шығынды тексеріп, 55 миллионның ізін таппаған. Мамандардың айтуынша, бұл департаментке келеңсіздіктерді жою жөнінде нұсқау берілген. Ал іс әрі қарай Жемқорлыққа қарсы күрес қызметіне жолданыпты.
Сәуір айынан бері бұл мекемеге Жандарбек Бекшин жетекшілік етеді. Ал оған дейін Айзат Молдағасимова басқарған. Бір қызығы, Молдағасымованың тұсында өзіне сыйақы жазып алғаны жайында ақпарат тараған. Өзі мұның бәрін жоққа шығарғанымен, кейін қызметінен кетіп тынған.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
14:58, 23 сәуір 2024
Тұрмыстық зорлық-зомбылықтан зардап шеккендер төлемсіз демалыс ала алады
-
14:34, 23 сәуір 2024
Су тасқынынан зардап шеккендер үшін салынатын үйлер қандай жабдықтармен қамтылмақ
-
14:04, 23 сәуір 2024
Су басқан саяжайлар үшін қандай қолдау шаралары қарастырылған
-
13:30, 23 сәуір 2024
Қазақстанда тұрғын үй бағасы өсуі мүмкін бе
-
13:03, 23 сәуір 2024
1 мамырдан бастап Қазақстанда жаңа ипотекалық бағдарлама басталады