Алматыда айыппұлдарды жоюмен айналысқан полицейлер ұсталды

16:57, 9 сәуір 2021

© Сурет: caravan.kz

Алматыда полицейлердің ұйымдасқан қылмыстық топ құрып, жылдар бойы жол ережесін бұзу бойынша салынған айыппұлдарды өшіріп келгені үшін ақша алғаны анықталды, деп хабарлайды zakon.kz.

Бұл туралы Сыбайлас жемқорлыққа қарсы іс-қимыл агенттігінің аса маңызды істер жөніндегі тергеушісі Данияр Биғайдаров айтты.

– Ұйымдасқан қылмыстық топ құрамында полиция қызметкерлері мен бұрын сотталған адамдар болған. Олардың 2016 жылдан бастап 2020 жылға дейін айыппұлдарды өшірумен айналысқаны анықталып, қылмыстық іс айыптау актісімен аяқталды, – деді Биғайдаров.

Қылмыстық топтың заңсыз әрекетінен мемлекетке аса ірі көлемде, 247 млн теңгеден астам сомаға зиян келтірілген.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!