Алматы полициясы қала тұрғындарының қоқыс лақтыру сәттерінен бейне жинақ әзірледі
© Фото: Zakon.kz
Бейне жинақ ПД жедел басқару орталығының материалдары негізінде жасалды.
Бұл бөлімшенің бейнебақылау операторлары азаматтар көп жиналатын жерлерге, тұрғын үйлердің аулалары мен көзге түспей қалатын, адам көп жиналмайтын орындарға да орнатылған камераларды тәулік бойы қадағалайды.
"Көптеген азаматтар камераға көрінбей қаламыз деп ойлайды. Олар қағазды немесе темекі тұқылын лақтырған кезде өздерін ешкім байқамайтындай көреді. Бірақ іс жүзінде теріс әрекеттері бейнежазбаға түсіп қалады және бейнежазба учаскелік инспекторға немесе патрульдік полиция экипажына жіберіледі. Әрқайсымыз атсалысып, салауатты, заңға бағынатын, принципшіл ұрпақ тәрбиелеуге үлес қосып, сол арқылы "Таза Қазақстан" науқанының жүзеге асуына өз үлесімізді қоса аламыз", – дейді Алматы қалалық ПД жергілікті полиция қызметі басқармасының бастығы Серік Шумаев.
Қоқыс тастап кеткен алматылықтарға айыппұл салынатыны бұған дейін хабарланған болатын. Алматыда абаттандыру саласындағы заң бұзушылықтармен күресу шаралары күшейтілді.
Экология және қоршаған ортаны қорғау басқармасы қалалық полиция департаментімен бірлесіп, тәртіп бұзушыларды анықтауға бағытталған бірлескен рейдтер жүргізіп жатыр.
Сонымен қатар тәртіп сақшылары стихиялық орындарда рұқсатсыз сыртқы жарнаманы орналастыру жағдайларына баса назар аударады.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
23:36, 26 қыркүйек 2024
Астанада тегін донерге 4 мың адам жиналған
-
22:57, 26 қыркүйек 2024
Қазақстанда бір кеште екінші көлік өртеніп кетті
-
22:17, 26 қыркүйек 2024
«Барыс» өз алаңында «Сочиден» басым түсті
-
22:12, 26 қыркүйек 2024
Футзалдан Қазақстан командасы әлем чемпионатының ширек финалына шықты
-
21:18, 26 қыркүйек 2024
Қазақстанның бірнеше өңірінде қар аралас жаңбыр жауып, күн суытады