Алматы облысында тәртіп сақшылары заңсыз аңшылықтың бірнеше фактісін анықтады
«Алматы қаласының 2 тұрғыны мен облыс тұрғынының автокөліктерінен заңсыз ауланған 2 жануардың еті табылды. Бастапқы нұсқа бойынша ол «Қызыл кітапқа» енген, аулауға тыйым салынған қарақұйрық тұқымдас жануардың еті болуы мүмкін. Аталған факті бойынша сараптама тағайындалып, сотқа дейінгі тергеу амалдары жүргізілуде»,- деп хабарлайды Алматы облысы Полиция департаментінің баспасөз қызметі.
«Браконьер» республикалық жедел алдын алу іс-шарасы аясында табиғат қорғау өкілетті органдарымен бірлескен рейдтер барысында облыс аумағында полиция өкілдері 3 күн ішінде табиғат қорғау заңнамасын бұзудың 35 фактісін анықтаған. Оның ішінде заңсыз аңшылықпен айналысу, рұқсатсыз ағаш кесу және заңсыз балық аулау сияқты тәртіп бұзушылықтар бар.
«Жүргізілген рейдтер барысында 3 күн ішінде 35 құқықбұзушылық анықталып, оның 4 фактісі бойынша қылмыстық іс қозғалды. Қалған деректер бойынша әкімшілік хаттамалар толтырылып, айыппұлдар салынды. Табиғат қорғау заңнамасын бұзушылардан 0,16 текше метр сексеуіл, 6 мылтық, атып алынған 3 қырғауыл мен 2 жануардың еті тәркіленді»,-деді Алматы облысы Полиция департаменті ЖПҚ Табиғат қорғау бөлімшесінің бастығы полиция подполковнигі Ерлан Куджаков.
Telegram арнасындағы маңызды жаңалықтар «zakon.kz». Жазылу!
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
15:53, 24 сәуір 2024
Таразда «Жасыл аймақ» тақырыбымен қала аумағында ағаш көшеттері отырғызылуда
-
15:45, 24 сәуір 2024
Қазақстанда -8°C-қа дейін суытады
-
15:31, 24 сәуір 2024
Қазақстанға еңбек мигранттары қай елдерден көп келеді
-
15:07, 24 сәуір 2024
БҚО-да су тасқынынан келтірілген залалды өтеу жұмыстары басталды
-
14:54, 24 сәуір 2024
Түркістан облысында кәмелетке толмаған бала құрдасына жыныстық сипатағы зорлық көрсеткені үшін тұтқындалды