Алматы облысында тағы бір жол учаскесі жабылды

18:25, 30 қараша 2020

181

Алматы облысының ТЖД республикалық маңызы бар Үшарал - Достық жолының жабылатындығы туралы жолаушыларды құлаққағыс етті, деп хабарлайды zakon.kz.

30 қарашада сағат 15.30-дан бастап, "ҚазАвтоЖол" ҰК" АҚ-тың Алматы облыстық филиалының және "ҚазАвтодор" ЖШС-ның Алматы облыстық филиалының ақпараты бойынша, ауа-райының нашарлауына байланысты (қатты боран, жолдың көрінуінің нашарлауы) республикалық маңызы бар Үшарал - Достық жолының бір бөлігі (84 -184 шақырымы, бұл - Көктума мен Достық ауылдарының арасы) көліктің барлық түрлеріне жабылды, деп хабарлады ТЖД-дағылар.

Алматы облысының Төтенше жағдайлар департаменті азаматтардан осы бағытта жолға шығудан аулақ болуды және 112 қызметі жіберген SMS хабарламаларды назардан тыс қалдырмауын сұрайды.

Бұған дейін облыстық маңызы бар Алматы - Өскемен - Қапал-Арасан шипажайы (0 км-ден 45 км-ге дейін) жолының учаскесінде жол қозғалысына тыйым салынатындығы хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!