Алматы облысында ломбард тонаған екеу ұсталды

21:41, 20 қаңтар 2022
83

© Сурет: Instagram/police_almobl

Алматы облысының полиция қызметкерлері бір миллион теңгенің зергерлік бұйымдарын ұрлаған күдіктіні ұстады, деп хабарлайды Zakon.kz.

Облыстағы базарлардың біріндегі ломбард қожайыны 19 қаңтарда Қарасай аудандық полиция бөлімінің кезекші бөліміне арызданды. Ол 1 000 000 теңге сомасындағы алтын зергерлік бұйымдардың ұрланғанын жеткізді.

Оның айтуынша, есік бұзылған, ұрлық 2021 жылдың 31 желтоқсанынан 2022 жылғы 6 қаңтар аралығында жасалған.

Жүргізілген жедел-іздестіру іс-шараларының нәтижесінде ізкесушілер бір тәулік ішінде бұрын ұрлық үшін бірнеше рет қылмыстық жауапкершілікке тартылған 28 жастағы Қарасай ауданының екі тұрғынын анықтап, ұстады. Олардың бірі ұсынылған дәлелдерден соң 6 қаңтарға қараған түні ұрлық жасағанын мойындап, ұрланған заттарды шығарды. Алматы облысы ПД баспасөз қызметі

Жәбірленуші полицейлерге құқық бұзушыларды тез ауыздықтағандары үшін алғыс білдірді. Ұсталғандар уақытша ұстау изоляторына қамалды.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!