Алматы облысы тұрғыны қандастарға артық төлем алу мақсатында жалған құжат жасады

Мемлекеттік көмекті теріс пайдалану фактілері де бар екен

Қаржылық мониторинг агенттігінің Алматы облысы бойынша аумақтық департаментінің қызметкерлері жедел-іздестіру шараларын жүргізу барысында 1971 жылы туылған азамат Исхан Ұланды анықтады, деп хабарлайды Zakon.kz.

Ол Қытай Халық Республикасынан келген қандастарға жоғары әлеуметтік және зейнетақы төлемдерін алуға құқық беретін жалған еңбек кітапшаларын дайындаумен және сатумен айналысқан. ҚР ҚМА баспасөз қызметі

Тексеру барысында ҚХР түрлі ұйымдарының мөртабандары мен мөрлерінің жалған баспа-таңбалары, нотариустың мөрі мен қолы бар нотариаттық бланкілері, кесуге арналған станок және оның көмегімен жасалған жалған құжаттар (еңбек кітапшалары, туу туралы куәліктер және неке қию туралы куәліктер), басқа да заттар табылды және тәркіленіп алынды.

Исхан Ұлан сотталды.