Алматы маңында жер сілкінді

Қаладан солтүстік-шығысқа қарай 71 шақырым жерде 10 шақырым тереңдіктен жер сілкінісі тіркелді, деп хабарлайды Zakon.kz.

Табиғи құбылысты ҚР ТЖМ "СОМЭ" ЖШС сейсмикалық станциялар желісі 26 мамырда Нұр-Сұлтан уақыты бойынша 21:50-де тіркеді.

Жағдай тұрақты. Тұрғындардан "112" және "101" шұғыл байланыс желісіне қоңырау келіп түскен жоқ.

"Қазселденқорғау" ММ хабарламасына сүйенсек, гидротехникалық құрылыстарда деформация, шөгу және жарықшақтардың пайда болуы анықталған жоқ.

Департамент жер сілкінісі кезіндегі іс-қимыл тәртібі туралы еске салды:

• ғимараттан шығыңыз (15-20 секунд уақытыңыз бар);

• егер жоғарғы қабатта болсаңыз, сыртқы есіктің аузына немесе, үйдің негізгі қабырғаларының бұрышына балаларды өзіңізге қаратып құшақтап тұра қалыңыз;

• терезе маңайына жоламаңыз және балконнан да секіруге болмайды;

• ғимараттардан, құрылыс нысандарынан, бағаналар мен қоршаулардан аулағырақ тұрыңыз;

• үйге кіруге асықпаңыз, дүмпулер қайталануы мүмкін;

• жеделсатыны пайдаланбағаныңыз жөн;

• сіріңке, майшам жақпаңыз;

• антенна сымдарына тиіспеңіз;

• зардап шеккендерге алғашқы көмек көрсетіңіз.