Алматы әкімінің экс-орынбасары Мұхит Әзірбаев жаңа қызметке келді

Алматы қаласы әкімінің бұрынғы орынбасары Мұхит Әзірбаев Қазақстанның құрылыс индустриясы одағының (ҚСО) төрағасы болып тағайындалды, деп хабарлайды Zakon.kz.

Ол 2019 жылғы сәуірден 21 қыркүйекке дейін Алматы қаласы әкімінің орынбасары қызметін атқарды.

Мұхит Әзірбаев 1972 жылы 18 қыркүйекте Алматыда дүниеге келген.

Еңбек өтілі:

• Алматы және Атырау қалаларындағы «ABN AMRO Bank» (Голландия) еншілес банкінің қызметкері, бөлім бастығы (1997-2003);

• «Қуат-Агро» агрохолдингінің бас директоры, Астана қаласы (2003-2006);

• «Казкоммерцбанк» АҚ Лизинг департаментінің басшысы, корпоративтік байланыстар департаментінің директоры (2006-08.2009);

• «Global Building Contract» ЖШС бақылау кеңесінің төрағасы (08.2009-2017);

• «Алматы» әлеуметтік-кәсіпкерлік корпорациясы» ҰК» АҚ басқарма төрағасы (07.2017-03.2019);

• Алматы қаласы Кәсіпкерлік және инвестициялар басқармасының басшысы (03.2019-04.2019);

• Алматы қаласы әкімінің орынбасары (04.2019-21.09.2019).