Алматы Autograph ТК тексеруден өтуде

Алматының қала құрылысын бақылау басқармасы Жамақаев көшесі бойында салынып жатқан тұрғын үй кешеніне жоспардан тыс тексеру жүргізілгені туралы хабарлады.

Визуалды тексеру кезінде "Benta" ЖШС тапсырыс берушісімен объектінің қабаттылығы бөлігінде бұзушылықтар жібергені алдын ала анықталды – эскиздік жобаға сәйкес объектінің қабаттылығы 3 қабатты+техникалық қабатты құрайды.

Қазіргі уақытта осы тұрғын үй кешені бойынша құрылыс-монтаж жұмыстары тоқтатылды. Тексеру нәтижелері бойынша бұзушылықтар расталған жағдайда, жол берілген бұзушылықтарды жоюға және объектіні рұқсат беру құжаттамасына сәйкес келтіруге нұсқама бере отырып, әкімшілік шаралар қабылданатын болады.

Нұсқама талаптарын орындамау нұсқаманы мәжбүрлеп орындауға да, объектіні ішінара бұзуға да сот талқылауларына әкеп соғуы мүмкін екенін ескеріңіз.

Естеріңізге сала кетейік, 2022 жылы Алматы қаласы Мәслихатының шешімі бойынша әкімдіктің ұсынысы негізінде құрылыс салу ережелеріне бірқатар өзгерістер енгізілді. Атап айтқанда, әл-Фараби даңғылынан жоғары орналасқан ғимараттарды салуға шектеулер қабылданды – үш қабаттан аспайды, сонымен қатар жертөле қабаты, құрылыстың барлық түрлері үшін 12 метрден аспайды.

Айта кетерлігі, Алматы әкімі Ерболат Досаевтың құрылысқа бақылауды күшейту жөніндегі тапсырмасы аясында өткен жылдың басынан бері 47 заңсыз нысан, соның ішінде "Мечта", "KHAN", "Алма Гарден" тұрғын үй кешендері және басқалары толығымен немесе ішінара бұзыған болатын.