Алдағы күндері Қазақстанда найзағай мен жаңбыр, күшті жел күтілуде

Қазақстанның көптеген облыстарында жаңбыр, найзағай, кей жерлерде бұршақ және күшті 15-25 м/с желмен суық ауа райы күтіледі, деп хабарлайды Zakon.kz Қазгидрометке сілтеме жасап.

– Бұл барлық метеорологиялық құбылыстар алдымен полярлық, артынша арктикалық суық фронттардың өтуімен байланысты болады, – дейді мекеме мамандары.

Батыс облыстарына Ресейдің Еуропалық бөлігінің орталық аймағынан антициклон жылжып, республика арқылы антициклонның жылжуымен кезеңнің соңында солтүстік, оңтүстік және орталық облыстарында жауын-шашынның тоқтатылуы күтіледі.