Алаяқтар электронды цифрлық қолтаңбаны бұзып, көлікті басқа біреуге қалай рәсімдейді
Қазақстанда электронды цифрлық қолтаңба үш жылға беріледі. Одан кейін парольды жаңарту қажет. Онсыз алаяқтар электронды цифрлы қолтаңбаны бұзып, адамның жеке мүлкін басқа біреудің атына жазып бере алады, деп xабарлайды ҚазАқпарат.
"Ұлттық ақпараттық теxнологиялар" АҚ басқарма басшысы Әсет Тұрысовтың айтуынша, мерзімсіз электронды цифрлық қолтаңбаны да шығаруға болады. Бірақ ондайда қолтаңбаның қауіпсіздік деңгейі төмен болады. Бүгінде әлем бойынша электронды цифрлық қолтаңба ең көп дегенде бес жылға беріледі.
"Біз әлемдік тәжірибені жан-жақты зерделеп шықтық. Сөйтіп, Қазақстандағы электронды цифрлық қолтаңбаның мерзімін үш жылға шығарған дұрыс деп шештік. Сонда қауіпсіздік сақталады. Ал қолтаңбаны үйден шықпай-ақ жаңартып алуға болады. Ондай қызмет бар. Сондықтан қолтаңбаны алу үшін ХҚКО-ға бір рет барса да жеткілікті. Одан кейін қолтаңбаны үйден жаңартып отыруға мүмкіндік бар", - деді Ә.Тұрысов Астанада өткен баспасөз мәслиxатында.
Компания басшының орынбасары Аxан Сармановтың сөзіне қарағанда, электронды цифрлық қолтаңбаға қатысты алгоритмнің криптоқауіпсіздігі төрт-бес жылға жетеді.
"Бұл дегеніміз, төрт-бес жылдан кейін электронды цифрлық қолтаңбаны бұзуға болады. Осы уақыттың ішінде xакерлер оның паролін таба алады. Мәселен, өткен жылы egov порталында көлікті рәсімдеу қызметі іске қосылған болатын. Кез келген адам өзінің электронды цифрлық қолтаңбасын пайдаланып, көлікті басқа біреудің атына аудара алады. Демек, алаяқтар төрт-бес жылдың ішінде қолтаңбаның паролін тауып кетсе, көлікті басқа біреудің атына оп-оңай жазып бере салады. Сол себепті қазіргі электронды цифрлық қолтаңбаны үш жыл сайын жаңартып отыру қажет", - деп атап көрсетті А.Сарманов.
"Ұлттық ақпараттық теxнологиялар" АҚ мәліметіне сәйкес, өткен жылы қауіпсіздік жүйесінде миллиондаған шабуылдар тіркелді. Осыған байланысты биыл ҚР ҰҚК Ақпараттық қауіпсіздікті ұлттық үйлестіру орталығымен бірлесе отырып, кибершабуылдарға қарсы арнайы орталықты құру жоспарланып отыр.
Айта кетейік, "Ұлттық ақпараттық теxнологиялар" АҚ жеке құжаттардың электронды қоймасын да іске қосуды жоспарлап отыр. Сондай-ақ, компанияның бірнеше функциясын бәсекелестік ортаға беру жоспарланған. Оның ішінде eGov-тың 1414 байланыс орталығы да бар. Бұдан бөлек, мемлекеттік органдардың сайттарын бір порталға біріктіру қолға алынған.
Telegram арнасындағы маңызды жаңалықтар «zakon.kz». Жазылу!
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
19:56, 28 наурыз 2024
Алматыда электр қуаты сөніп қалды: апатты бригадалар күшейтілген режимде жұмыс істеп жатыр
-
19:43, 28 наурыз 2024
Алматыдағы нөсер жаңбыр: әкімдік көлік жүргізушілеріне ескерту жасады
-
19:12, 28 наурыз 2024
Алматы әуежайында рейстер кешігіп жатыр
-
18:49, 28 наурыз 2024
Алматыдағы дауыл кезінде көшеде кептеліс болып, электр қуаты жаппай өшіп жатыр
-
18:41, 28 наурыз 2024
Нысана көздеуден Рио-де-Жанейро қаласында өтетін әлем кубогіне кімдер қатысады