Ақтөбеде анасын өлтірген қыз сотталды

17:29, 16 қаңтар 2018

Ақтөбеде туған анасын пышақтап өлтірген 25 жастағы Оксана Диде сотталды, деп хабарлайды ҚазАқпарат.

Ақтөбе облыстық қылмыстық істер жөніндегі мамандандырылған ауданаралық сотында сотталушы Оксана Дидеге үкім шықты. Іс материалдарына сүйенсек, сотталушы Оксана Диде өткен жылдың қазан айында ішімдік ішіп, үйінде анасымен жанжалдасып қалған.

Анасы мен қызы төбелесіп, сол кезде айыпталушы шешесіне ас үй пышағын ала жүгірген. Бірнеше рет ішінен пышақтаған. Ауыр жарақат алған сотталушының анасы оқиға орнында қаза тапқан. Сот отырысы кезінде айыпталушы Оксана Диде өзіне тағылған айыпты мойындап, ісіне өкінетінін жеткізді.

«Оксана Дидеге Қылмыстық кодекстің «Адам өлтіру» бабы бойынша айыпты деп танылып, 8 жылға бас бостандығынан айыру жазасы тағайындалсын. Ол жазасын қауіпсіздігі орташа түзету мекемесінде өтейді. Сонымен қатар, 906 мың теңге сот шығындары өндірілсін», - деді судья Алтынбек Сабыров.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!