Ақтауға әскери дәрігерлер мен медицина саласының жас мамандары келді

11:32, 16 шілде 2020
132

Үкімет басшысы Асқар Маминнің тапсырмасына сәйкес, облыс әкімдігі өңірдегі коронавирусқа қарсы күресті күшейту мақсатында медицина мамандарын алдыртуда. Маңғыстаулық науқастарды емдеуге 12 әскери дәрігер жұмылдырылады, деп хабарлайды zakon.kz.

Оның 10-ы бүгін Шығыс Қазақстан облысынан келді. Бұл мамандардың алтауы Семей қаласынан және төртеуі Өскемен қаласынан келді. Ал, екеуі Ақтаудағы 25744 әскери бөлімінің дәрігері.

Семей қаласынан:

1. Хирургиялық бөлімінің аға ординаторы м/с капитаны Мажиев Н.Ж.

2. Терапиялық бөлімінің басшысы м/с капитаны Муслимова З.Р.

3. Қабылдау бөлімінің медбикесі, аға сержант п/к Абдрахманова Г.Т.

4. Хирургиялық бөлімінің медбикесі, сержант п/к Мухатова Г.Б.

5. ОАиР аға медбикесі, п/к сержанты Кабдиева Ж.С.

6. Хирургиялық бөлімінің медбикесі, ефрейтор п/к Муратова М.К.

Өскемен қаласынан:

1. Хирургиялық бөлімінің басшысы, м/с капитаны Белгибаев Б.Р.

2. Стоматология кабинетінің медбикесі, п/к сарбазы (рядовой) Дума С.А.

3. Хирургиялық бөлімінің медбикесі, п/к сарбазы Байсанбанова А.Б.

4. Қабылдау бөлімінің медбикесі, п/к кіші сержанты Оспанова А.К.

25744 әскери бөлімі

1. Батальон медқызметінің басшысы, м/с аға лейтенанты Айтжанов Б.Ы.

2. Медициналық рота хирургиялық бөлімінің басшысы, м/с аға лейтенанты Достангалиев Е.

Сонымен қатар, бүгін өңірге Ақтөбе қаласындағы медицина университетін бітірген 10 жас маман келді. 18 шілде күні тағы 6 дәрігер жұмыстарын бастайды. Сол университетті тәмамдаған 5 маман бұған дейін Ақтауға келген болатын. Тағы 5 дәрігер қазір Ақтөбеде жұмыс істеп жатыр, тамыз айында жұмыстарын бітіріп, Ақтауға келеді.

Жалпы, Маңғыстауға 26 жас маман келеді. Оның 15-і интернатураны, 7-і резидентура бітірген дәрігерлер. 4 ақтөбелік маман Маңғыстауда тұрақты түрде еңбек етуге ниетті.

Ақтөбеден бүгін келген 10 маманның алтауы маңғыстаулық, төртеуі Ақтөбе қаласының тумасы.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір