Ақпан айында қай өңірлерде су тасқыны болуы мүмкін
© Сурет: ҚР ТЖМ баспасөз қызметі
"Қазгидромет" РМК су тасқыны бойынша алдын ала болжам жасады, деп хабарлайды Zakon.kz.
"Ақпан айында температуралық фон жоғарылап, қатты жаңбыр жауған жағдайда, Қазақстанның оңтүстігі, оңтүстік-шығысы мен шығысындағы тау өзендерінде еріген қар және жаңбыр суының ауқымды тасқыны болуы мүмкін" – делінген синоптиктер ұсынған болжамда.
Алайда қыс әлі бітпегендіктен, қардың жинақталу кезеңі де жалғасады,көпжылдық бақылауларға сәйкес, көктемалды кезеңде тәулік ішінде бір айлық мөлшердегі жауын-шашын жаууы мүмкін.
Қарағанды, Ұлытау, Ақмола, Батыс Қазақстан, Атырау және Ақтөбе облыстарында топырақтың қату тереңдігі өткен жылғы көрсеткіштерден орта есеппен 3 см-ден 84 см-ге дейін артық. Ақмола, Солтүстік Қазақстан және Қостанай облыстарында бұл көрсеткіш өткен жылғы көрсеткіштермен салыстырғанда орта есеппен 7 см-ден 40 см-ге дейін кем.
Қазақстанның жазықтағы өзендері бассейнінде жиналған қар жамылғысындағы судың қоры айтарлықтай әркелкілігімен сипатталады, нақтырақ айтсақ, ол Ақмола, Ұлытау, Қостанай, Ақтөбе, Батыс Қазақстан және Атырау облыстарында орташа көпжылдық мәннен төмен, ал Қарағанды және Солтүстік Қазақстан облыстарында орташа көпжылдық мәннің шегінде.
Консультативтік синоптикалық ауа-райы болжамына сәйкес, 2023 жылдың ақпан айында ел аумағының басым бөлігінде ауа температурасы нормаға жуық, ал республиканың оңтүстік және шығыс өңірлерінде негізінен жылы және жауын-шашынды болады деп күтілуде.
Синоптиктер Қазақстанның жазықтағы өзендерінде көктемгі су тасқыны ағынының күтілетін көлемі 2023 жылғы 1 ақпандағы жағдай бойынша гидрометеорологиялық бақылаулар мен өлшеулердің деректеріне сәйкес жасалғанын ескертті.
"Су тасқыны бойынша негізгі болжам 2023 жылдың наурыз айында жасалады". "Қазгидромет" РМК
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:41, 19 сәуір 2024
20 және 21 сәуірдегі демалыс күндеріне валюта бағамы
-
17:32, 19 сәуір 2024
Қазақстанда «Болашақ» бағдарламасы бойынша құжаттар жаңаша қабылдануда
-
17:17, 19 сәуір 2024
Алматы облысында полицейді жаралаған тиран еркек оқиғасына қатысты тың дерек жарияланды
-
17:05, 19 сәуір 2024
Бишімбаевтың ісі: судья Құлбаева мәлімдеме жасады
-
17:03, 19 сәуір 2024
Өскеменде ұрылар 94 млн теңгені жымқырып, қайықпен қашып кетті