Ақмола облысында өрт салдарынан екі бала қаза тапты

Ақмола облысында жеке үйде өрт шығып, салдарынан екі бала қаза тапты, деп хабарлайды Zakon.kz.

Оқиға Бұланды ауданындағы Шұбарғаш ауылында болды.

2017 және 2021 жылы туған екі бала жану өнімдерінен уланып қайтыс болды, деп хабарлады Ақмола облысы төтенше жағдайлар департаментінің баспасөз қызметі.

"ТЖД телефондарына қоңыраулар түскен жоқ. Өртті оқиға куәгерлері сөндірді", - делінген хабарламада.

Өрттің шығу себептерін облыстық өрт сөндіру бөлімінің ғылыми-зерттеу сынақ зертханасының қызметкерлері анықтап жатыр. Бұланды ауданының төтенше жағдайлар бөлімі сотқа дейінгі тергеуді бастады.