Ақмола облысында автодромда қарулы қақтығыс орын алды

19:39, 30 маусым 2022
388

© Сурет: Ақмола облыстық ПД

Ақмола облысында полицейлер қарулы қақтығысқа қатысқандарды ұстады, деп хабарлайды Zakon.kz.

28 маусымда Қарасай айналма жолы бойындағы автодромда төбелес болып, арты қарулы қақтығысқа ұласқан. Оқиға орнына криминалдық полиция басқармасының, арнайы мақсаттағы бөлімшенің, жедел-тергеу тобының қызметкерлері келіп жетті.

Алдын ала тергеу барысында қақтығысқа қатысқан 15 адамның 22 жастан 40 жасқа дейінгі Көкшетау мен Қарағандының тұрғындары екені анықталды. Оқиға орнынан Тanfoglio мен "Стражник" маркалы травматикалық тапаншалары мен патрондар, бұрыш бүріккіштері, пышақтар мен кастеттер тәркіленді. Ақмола облыстық ПД

Аталған фактіге сәйкес, ҚР ҚК 287-бабының 3-бөлігі, яғни "Қаруды заңсыз сақтау және тасымалдау" бойынша сотқа дейінгі тергеу басталды.

Келіп, көрініп тұру туралы міндеттеме түрінде процессуалдық мәжбүрлеу шарасы таңдалды. Сараптама тағайындалды.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!